Буле и Куле мамкини и таткини

„Буле и Куле мамкини и таткини“ е тинејџерски роман на Љупчо Димитровски, исполнет со хумор, иронија и општествена сатира.

Буле и Куле се двајца неразделни другари, уверени дека го разбираат светот подобро од возрасните. Со својата дружина основаат индијанско племе, се впуштаат во политички авантури, пишуваат поезија, се вљубуваат и предлагаат реформи во училиштето.

Низ нивните необични размислувања и комични доживувања, романот ги истражува пријателството, првата љубов, семејните односи и предизвиците на созревањето, истовремено откривајќи ги противречностите на општеството во кое растат.